.jpeg)
رواية حبي الوحيد الفصل الثامن 8 بقلم هاجر العفيفي
البارت الثامن
إياد ضحك بشر وقال : وهو انتوا فاكرين هضيع مستقبلى علشانكم لاء لاء مش انا ال غبي كده للدرجه دى
مروان ونيرمين كانوا بيبكوا من الرعب وفجأة الباب خبط بقوه من الجيران بعد لما سمعوا ضر"ب النا"ر
إياد فتح والناس دخلت تجرى على الداخل
إياد ببرود : انا بس حبيت أخليكم شاهدين عليهم رجعت من شغلى لقيت الاتنين بيخو"نوني مراتي واعز اصدقائي
مروان فتح عيونه صدمه وقال : كداب كداب محدش يصدقه محصلش ال هو بيقوله ده
أحد الجيران : لاحول ولا قوة الا بالله العلي العظيم مفيش فى الدنيا أمان معلش يابني ربنا يجيبلك حقك منهم احنا هنفضل معاهم علي لما الشرطه تيجي تخلص إجراءاتها
إياد بصلهم بشماته ونيرمين كانت منهاره بسبب سمعتها ال اتدمرت
الشرطه وصلت وقبضوا عليهم الاتنين
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفرووا
الدكتوره بحزن : للأسف فقدنا الجنين
كريمه بدموع : ط طب ومريم كويسه ؟؟
الدكتوره : دخلت فى غيبوبه الله أعلم هتفوق منها امتي حضرتك عارفه انك ماضيه إقرار على ده كله يعني ده كله وارد يحصل
كريمه برجاء : طيب فيه أمل فى حالتها يادكتوره بالله عليكي
الدكتوره بتنهيده : الأمل عند ربنا كبير خير ان شاء الله عن أذنك
كريمه قعدت على الكرسى بحزن وسلمت أمرها لله
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
بعد يومين نيرمين ومروان اتكشف ليهم قواضى نص"ب كتير واتفتحت واتدبسوا والحكم هيتم عليهم بعد شهر وإياد راح البيت وسأل على أمه ومريم وعرف إن مريم فى المستشفى اخد العنوان وقرر يروح ليهم
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
إياد بحزن : أمى
كريمه بصدمه : إياد !!!!
إياد قعد على الأرض وفضل يبوس فى إيدها وقال : علشان خاطرى سامحيني انا اسف والله انا كنت مغفل غبي
كريمه بعدت عنه وقالت بجمود : وانا مش عايزه أعرفك تاني وبعدين ولا ده وقته ولا مكانه
إياد بدموع : صدقيني انا والله كنت فى دوامه انا معرفش ازاى عملت كده فى مريم نيرمين ومروان ضحكوا عليا وغفلوني وكمان كانوا هيقت"لوني وحطولى س"م بطئ
كريمه بصدمه : س"م !!!!
إياد بحزن : أيوه س"م وروحت للدكتوره واداني علاج وعملى غسيل معده قبل المفعول مايشتغل انا حياتي كلها اتد"مرت وده كله بسبب تسرعي وغباء
كريمه بسخريه : ياما حذرتك يابني منهم ومن شرهم وانت مصدقتش
إياد مسك أيدها وقال : والله ندمت علشان خاطرى سامحيني وخلى مريم تسامحني
كريمه بتنهيده وحزن : مريم !!! البت فى غيبو"به بقالها يومين بعد مامعملت العمليه ونسبة الشفاء بقت ضعيفه جدا
إياد بصدمه : غيبو"به !!!!
كريمه بدموع : خسرتها يا إياد يابني كانت بتحبك اوى والله بس انت قابلت ده كله بجحود وكسرت قلبها دي متستاهلش ده كله منك وعمك رزق من وقت ماعرف وهو تعب فى البيت ومش عارف يتحرك
إياد بدموع : انا عايز اشوفها
كريمه مسحت دموعها وقالت : مانعين عنها الزياره خالص لحد لما تفوق إن شاء الله صحيح الجنين فقدوه وهما فى العمليه يعني مبقاش فى حاجه تربطك بمريم خالص وده يمكن من رحمة ربنا عليك وعليها علشان ميحصلش مشاكل بعد كده
إياد قعد على الأرض وسند رأسه على الحيطه ودموعه نزلت بشده وقال : كل حاجه ضاعت مني فى لحظه كان معايا كل حاجه مريم والبيبي وكفايه حبها ال كانت دايما بتظهره ليا دلوقتي افتقدت كل شئ انا و"حش اوي انا نفسي تسامحني
كريمه بهدوء : ادعي ربنا يسامحك وصدقني مريم مستحيل تسامحك انا عرفاها كويس هي بتحب اوى ممكن تعطيك قلبها وكل حاجه بس لما تكر"هه خلاص يبقا مفيش فرص تاني يابني
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
مر شهرين ومريم كانت لسه فى غيبوبه وكريمه ورزق كانوا دايما عندها وإياد كان بيقف كل يوم قدام العنايه ويفضل يتكلم معاها وهي مغمضه عينها
إياد بحزن : وحشتني ضحكتك ووحشني كل تفاصيلك انا اول مره احس ان بحب بجد انا فعلا بحبك اوي يامريم معرفتش قيمتك غير متأخر بس والله كان غصب عني انا معرفش ازاى شكيت فى أخلاقك ازاى بس مجرد تفكير أن مثقش فيكي ده انتي محبتيش حد فى حياتك غيرى كان كل أملك تسمعي مني كلمة حلوه بس انا بتمني دلوقتي انك تكوني سمعاني انا بحبك والله ومحبتش حد فى حياتي قبلك وكل ال فات كان أوهام انا نفسي تكوني معايا من تاني وانا هعوضك كل السنين يانور عيني
كان بيقول كلامه وهو منهار تماما
أمه كانت شيفاه وهو بيبكي وصعبان عليها بس ال بيغلط لازم يتحمل نتيجة غلطه
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹 أستغفروووا
بعد مرور شهرين
الدكتوره بابتسامه : أحب أبشركم أن فى معجزه حصلت وتقريبا العمليه نجحت بعد مرور شهور والمرض ابتدا يختفى ومريم ابتدت تفوق
رزق بدموع : بجد يابنتي يعني مريم كويسه وبخير وهتقوم بالسلامه
كريمه بفرحه : الحمد لله اللهم لك الحمد يارب انا واثقه فى كرمك ورحمتك علينا طب نقدر نشوفها امتى
الدكتوره بهدوء : شويه وتقدروا تشوفوها بس ضغط لاء وكلام كتير لاء علشان الحاله مش سهلة وعايزاكم تعرفوا ان ال حصل ده معجزه وبتحصل قليل اوي بالذات أن مرضها كان فى أخر مرحله حمد الله على سلامتها
كريمه : ربنا يكرمك يارب ويجبر بخاطرك ويكتبلك ال فيه الخير
رزق: الحمد لله يارب الحمد لله
فى الوقت ده إياد دخل وقال : فى جديد ؟؟
كريمه بفرحه : مريم الحمد لله فاقت وكمان الدكتوره طمنتنا على حالتها وقالت إن نقدر نشوفها
إياد فرح جدا وقال بسعاده : بجد يعني مريم بخير الحمد لله
بعد وقت دخلوا كريمه ورزق عند مريم وهي كانت فاقت بس تعبانه شويه
رزق بسعاده : الحمد لله يابنتي انك قومتلنا بالسلامه
كريمه : وحشتينا والله يامريم متعرفيش كنا عاملين ازاى من غيرك
مريم ابتسمت بتعب وقالت : الحمد لله وانتوا وحشتوني اكتر هو الجنين نزل صح ؟؟
كريمه بحزن : للأسف يابنتي أيوه ربنا يعوضك خير ان شاء الله
مريم برضا : الحمد لله الحمد لله
فى الوقت ده الباب خبط وإياد دخل
مريم اتصدمت لما شافته
إياد بصلها بحب واشتياق وقال : حمد الله على السلامه يامريم
مريم بتعب وغضب : الإنسان ده ايه ال دخله هنا انا مش طايقه اشوفه
رزق بدهشه : مالك يابنتي ده جوزك عيب ال بتقوليه ده
مريم بتعب : ده طليقي مش جوزي وانا مش عايزه اشوفه ولا طيقاه حتى
رزق بصدمه : طليقك !!!!
كريمه بتوتر : أخرج بره يابني علشان الدكتوره قالت إن مينفعش ليها الانفعال
إياد بصلها برجاء وقال : مريم اسمعيني علشان خاطرى
مريم بجمود وكر"هه : اطلع بره علشان متصلش على الأمن يتعاملوا معاك هما
إياد كان مصدوم منها ومن كلامها لأن مريم عمرها ماتكلمت كده ابدا
يتبع
هل صعبان عليكم إياد ولا يستاهل ال بيحصل فيه ؟؟ ومن رأيكم ترجعله ولا لاء ؟
#حبي_الوحيد
#هاجر_العفيفى
دمتم بخير
